- 43 -

1287, Januar 10. Frankenstein.

Heinrich, erster Voigt zu Frankenstein, verkauft dem Kloster drei Fleischbänke in vorgenannter Stadt.

In nomine domini amen. Cunctorum cum lapsu temporis perit notitia factorum, nisi scripture testimonio memoria in longitudinem temporis deducta quasi premortua suscitetur. Hinc est, quod ego Heinricus primus advocatus in Frankenstein notum facio presentibus et futuris, ad quos presens scriptum devenerit, quod publice et sollempniter sine contradictione aliqua vendo trado et in certo loco designo viris religiosis domino Lamberto et monachis de Kamenz Cysterciensis ordinis nomine dicti claustri tria macella in dicta civitate Frankenstein pro quinquaginta et sex marcis examinati argenti et ponderis Wrat. cum omni iure, quo ad meum iudicium et possessionem hereditaria libertate dinoscuntur pertinere. Item licet ipsa macella plus in poste­rum valere sperentur, pro remedio tamen anime mee hoc dimittens etiam animas patris et matris mee et aliorum progenitorum meorum et fratrum propter hoc orationibus monachorum predicti loci cupio in perpetuum commendari, nec per aliquam reputationem servitiorum, que meis here­dibus vel successoribus poterit suboriri, libertati predicte esse debet inpedimentum vel detrimentum in aliquo generari. Et si inposterum aliqua transmutatio vel transpositio de loco in locum dictorum macellorum contigerit evenire, per omnia iura sua, sicut predictum est superius, obtinebunt. Ut autem hec vendicio debitum firmitatis robur habere valeat et munimen indissolubile, presens scriptum sigillo civium meorum de Frankenstein et meo feci fulcimine insigniri. Acta sunt hec in Frankenstein anno domini M°.CC°.LXXX°.VII°. quarto Ydus Januarii in presentia civium meorum et aliorum proborum virorum, quorum primus dominus Cunradus de Heseler miles Glacensis, Hermannus quondam advocatus in Lewenstein, Appez filius Heindenrici quondam advocati ibidem, Tylo subadvocatus, Hermannus brasiator, Theodericus thelonearius, Propbsthain, Hartungus et scabini omnes.

Orig. Perg. Beide S. fehlen; nur ein Stück Pergamentstreifen als Befestigungsmittel des einen S. übrig. Regesten No. 1994.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.